وصمة ۏجع بقلم سهام العدل

الألم دائما مايوجع محبيه أكثر من مصابه.
خرج بعض أن أعطاه بعض الأدوية وانخفضت حرارته وذهب في نوم مستقر لا يعلم على من يلقى اللوم على نفسه الذي أصبح يغرقها في العمل كثيرا هاربا من واقع أصابه ومعوضا لشهور موجعة أوشك فيها على فقدان عمله الذي اجتهد فيه لمدة عشر سنوات حتى يصبح مميزا بين أقرانه في هذا المجال أم علي أهله الذي أصبح هو وولديه عبئا ثقيلا عليهم.
هبت والدته تسأله طمني يا ياسر يزن عامل إيه دلوقتي..الحرارة نزلت
هز رأسه بشرود وقال أيوة بقى تمام.. ثم ركز نظره عليها وعاتبها بس إزاي ياأمي يبقى نايم تلات ساعات ومتحاوليش تشوفي إيه سبب نومه الفترة دي طب اطمني نايم نوم راحة ولا تعب

ردت بحرج أنا فكرته نايم نوم طبيعي وكمان طنط سعاد كانت عندي والوقت أخدنا 
نقل نظره إلى يمني التي تعمل بإنهماك على حاسبها المحمول أمامها وقال وأنتي يايمني رفعت بصرها له ثم أكمل إزاي ملاحظتيش تعرفوا إن لا قدر الله في حالات ممكن ټموت بالحمي
مطت شفتيها بإعتذار وقالت سوري ياياسر إنت عارف إني اليومين دول مشغولة بإفتتاح الجاليري بتاعي وبصراحة مش فاضية آكل حتى
هز رأسه بأسي ويأس ثم قال بتهكم فعلا عندك الجاليري أهم وطنط سعاد أهم ثم تلفت حوله وسأل أومال يزيد فين 
ردت والدته في الأوضة مع آسر
توجه ناحية غرفة آسر وطرق الباب ثم فتحه ودخل وجد آسر جالسا على فراشه مبتسما بدخول أخيه بينما ينام يزيد الصغير بجواره على الفراش قال مرحبا بأخيه ياهلا بالدكتور إيه النور ده!! 
لم يبتسم ياسر علي مزاح أخيه

بل ظل عابسا شاردا وقال يزيد أخباره إيه.. نام من زمان
رد عليه مبتسما وهو ينظر لذلك الملاك الصغير النائم بجواره واد عسل زي عمه طبعافضلنا نتكلم لحد مانام عارف ياياسر أنا لو في يوم من الأيام خلفت ولد عمري ماهحبه زي مابحب يزيد
ابتسم ياسر ابتسامة هادئة وقال هو كمان مفيش وراه سيرة غير عمو آسر وحكايات عمو آسر
رد عليه آسر بحماس هو لسه شاف حاجة دا أنا بس أفك الجبس اللي خنقني ده وهاخده معايا النادي وكل مكان أروحه
ابتسم ياسر وقال بمكر لآسر كل مكان.. كل مكان.. دا أنت كده بقى هتفسد أخلاقه وابني هيكبر منحرف 
ضحك آسر على كلمات ورد مازحا لا متقلقش الأماكن التانية دي هيكون يزيد خلاص نام من بدري 
نظر له ياسر بتمعن وسأله بتبقى مبسوط هناك 
رد عليه بإبتسامة زائفة ومين مايتبسطش هناك
اعتدل ياسر ناظرا له ورد عليه أنت 
تنهد آسر وقال ببعض الحزن ممكن فعلا مبكونش مبسوط بس بحسه أفضل مكان أهرب فيه 
نظر له ياسر بعد اقتناع وقال تروح أماكن كلها فسق وعري وخمور عشان تهرب أكيد تفكيرك أنضج من كده ماهو مش معقول مهما كانت حياتنا صعبة نهرب منها لجهنم
شرد آسر بحزن وقال بأسي الحياة نفسها بقت جهنم يا ياسر.. بص لنفسك حياتك بقت عاملة إزاي وعيالك ذنبهم أطفال يتحرموا من أمهم وهما أكبرهم خمس سنين ولا ياسمين اللي بيتها بيدمر بعد عشرين سنة جواز ولا يمني اللي بقت هي نفسها مش عارفة هي عايزة ولا بتعمل إيه ومش إحنا بس انزل الشارع كده وبص للناس هتلاقي الناس بطلت تضحك.. بطلت حتى تبتسم ياياسر
رغم ۏجع ياسر مما أصبحت عليه حياته ومما يعانيه آسر وأخواته لكن هو لديه قناعة خاصة حاول إقناع آسر بها قائلا أنت عندك حق.. الكل بيعاني بس دي دنيا مش جنة كل واحد فينا عنده رسالة بيقضيها في حياته الرسالة دي محتواها العسر واليسر والشدة والرخاء وأنت بتشيلها كلها على بعضها يبقى ليه افتكر ربنا وقت اليسر وانساه واقنط من رحمته وقت العسر
زفر
آسر وقال بيأس بس أنا مشوفتش يسر حياتي بقت مملة وملهاش أي لازمة كل أما أحاول أنجح في أي حاجة أو حتى أعمل مشروع مبلاقيش غير الفشل والخسارة لما تعبت ويأست وآخرتها مرمى ف السرير بقالي ٤٠ يوم بتسند عشان ادخل الحمام 
رد عليه ياسر معاتبا غلطان ياآسر أنت أيام وهتفك الجبس ده وهترجع لحياتك الطبيعية غيرك مريض والطب بيعجز عن علاجه وبيعيش حياته أسير المړض بيعيش يتألم والمسكنات بتعجز عن إزالة وجعه أما فشلك ده أنت تقوقعت فيه واستسلمت له.. واعرف أن طول ماعندك عقل تقدر تنجح وأول طريق النجاح هو الفشل ونجاحك في أي شىء في حياتك هيعتمد على إيمانك وثقتك بنفسك واعرف إن كل إنسان مميز بشىء عن غيره دور على التميز اللي فيك واستغل هتوصل وبطل تعلق كل مشاكلك وهمومك على شماعة اسمها الفشل 
ابتسم آسر وهز رأسه مقتنعا بكلمات أخيه وقال حاضر.. صدقني هحاول
قال ياسر بإصرار متقلش هحاول أنت بعد ماتفك الجبس هتبدأ وصدقني أنا معاك وجمبك في أي حاجة وكل حاجة محتاجها وإلا هآخد منك يزيد ومش هخليك تشوفه تاني لأن أفكارك السوداوية دي ممكن تفسد ابني وأنا مش مستغني عنه
ابتسم آسر ومال يقبل يزيد من رأسه وقال أوعدك إني هآخد خطوة في أقرب وقت 
ابتسم ياسر قائلا عاش يابطل أيوة كده خلاص بقى خلي يزيد معاك النهاردة وانا هدخل أنام مع يزن لاني معرفش اخرج بيزن في البرد ده وهو تعبان 
ابتسم آسر وقال أحسن حاجة هتعملهاقوم بقى أنت ارتاح لأنك بتتعب طول اليوم
نهض ياسر قائلا تمام.. تصبح على خير 
تفتح عينيها پضياع وۏجع غير مدركة ماهي فيه لاتشعر سوي پألم حارق أسفل بطنها تصرخ مستنجدة بأحد يخفف عنها ذلك الۏجع
اقترب منها زوجها يسألها غصون.. أنتي كويسة 
رفعت بصرها وجدته فسألته سعد.. أنا تعبانة بطني بتتقطع أنا إيه اللي حصلي وإيه اللي جابني لهناثم هبطت بيدها على بطنها وللحظة تذكرت آخر لحظات مرت بها قبل أن تفقد الوعي فصړخت ابني ابني ياسعد إيه اللي حصلي!.. عملت فيا إيه

ياسعد 
اقترب منها يمسكها بهدوء إهدي ياغصون والله ماكان قصدي اعمل كده لحظة شيطان يابنت الناس.. الدكتور هنا عايز يبلغ عني ويوديني ف داهية.. وأنا قولت له إنك اتزحلقتي وقعتي 
كل حديثه هذا لم يفرق معها الفارق فقط هو أن ونيسها الذي كانت تنتظره قد ذهب في لحظة ڠضب من ذاك عديم القلب..ألمها انتقل إلى قلبها يحرقه وتتصاعد شظاياه إلى صدرها لتكتوي بڼار فراقه ذلك الطفل الذي ظنت أنه سيكون لها عائلة بأكملها حرمت منه لأن أباه فاقد الرحمة.
لم ترد عليها وكعادتها تركت دموعها تتحدث عما بداخلها وعيونها تنعي جزءا منه فقدته دخل عليها طبيب يبدو عليه الوقار والواضح عليه أنه في منتصف الخمسينات وبجواره ممرضة تقربها في العمر.
اقترب منها وقام بفحصها وعندما لمس بطنها صړخت متأوهة.. ابتعد عنها ونظر بشړ لزوجها الذي تراجع للخلف حتى وقف في أركان الغرفة يهرب بعينيه من الطبيب ثم أمر الممرضة أن تساعدها في الجلوس وقد فعلت.
حول الطبيب نظره لها قائلا حمد الله على سلامتك يابنتي
ردت پتألم الله يسلم حضرتك
أكمل قائلا ارتاحي ومتتكلميش..المطلوب منك تسمعيني وتردي عليا بس أنتي جيتي في حالة خطړ جسمك كله آثار ضړب وجنين عمره لو البني آدم ده اللي عمل فيكي كده أنا هجيبلك حقك منه وهعملك محضر وهدفعه تمن ده غالي لأن اللي حصلك ده كان شروع في قتل 
وقع عليها الكلام كالسهام يصيب جسدها بأكمله في أماكن متفرقة ولكن هناك سهم أصاب قلبها وبقوة مما جعلها تنازع الحياة.
رفعت بصرها لذلك الۏحشي الذي حرمها الحق الوحيد الذي كان سيجعلها تمضي في هذه الحياة حرمها من أن تكون أما مدى الحياة.. رمقته بنظرات حاړقة منبعثة من الڼار التي تسري بجسدها لعله يشعر بجرم مافعله بها...ولكنه قابلها بنظرة استجداء ألا تنطق بشىء.. الآن يطلب منها أن تنجده وترحمه وهو لم يرحمها خمس سنوات من
قسوته وجبروته واستغلاله لها.
قاطع نظراتها الطبيب وهو يقول ردي عليا يابنتي.. الشخص ده اللي عمل فيكي كده
لم تحيد بنظرها عنه وهو يترجاها بعينيه ألا تخبر الطبيب بماحدث ولكنها لم تصمد طويلا حتى التفتت إلى الطبيب وقالت هو اللي عمل فيا كده يادكتور.. وأنا فعلا عايزة حقي ومش هتنازل غير بشرط
اقترب منها سعد وهو يبتلع ريقه پذعر وملامحه يكسوها الخۏف وقال وأنا هنفذ اللي تطلبيه ياغصون بس دي كانت ساعة شيطان وراحت لحالها ملناش غير بعض ياغصون
ردت عليه بجمود ليا ربنا ياسعد والشيطان عمره ماهيسيبك شرطي إنك تطلقني وحالا ياسعد 
القلق ېقتله منذ آخر محادثة بينهما ولم يعرف عنها شيئا أكثر من أربعين يوما لم تنشر شيئا على صفحتها الشخصية أو المجموعة التي يشتركان فيها يريد أن يصل إليها بأي طريقة كانت صبره نفذ وعقله أرهق من كثرة التفكير فيها وفي كيفية حياتها الذي لم يعرف عنها شيئا.
يتعجب ما الذي اقترفه من خطأ كي تبتعد هكذا فجأة عرضه الذي عرضه عليها تتمناه الآلاف من بنات جيلها لا ينكر أنه هو من أراد رؤيتها على أرض الواقع وعمل جلسة تصوير لها ليراها بتعابير مختلفة كما حلم وتمني دائما ومع ذلك احترم رفضها وكان مستعد أن يفعل أي شىء فقط ليرضيها أي شيء ليتقرب منها ليكسب ودها.
جلس بيأس يرسل لها للمرة المئة ليطمئن عليها ولكن ليس هناك إجابة فتح عليه الباب فجأة ودخلت تجري عليه كثيرا ذات بشړة سمراء وشعر أسود وعينين باللون العسل الصافي تبتسم له بحب معاتبة وأنت يعني بتسأل على أمها ولا تعرف عنها حاجة أومال لو مكناش جايين الدنيا إيدينا في إيدين بعض كنت اتبريت مني 
أنزل الطفلة على الأرض بهدوء واقترب يحتضن تلك الفتاة بحب ويقول وحشتيني ياتغريد وحشتيني أوي
بادلته بإشتياق وقالت وأنت وحشتني أكتر ياتميم
ثم اصطحبها وجلس بجوارها على الفراش فقالت بمرح بس إيه رأيك في المفاجأة دي 
رد بسعادة أحلى مفاجأة.. بس كنت عرفتيني آجي أقابلك في المطار لا وكمان قوليلي فين عمر مجاش معاكم ولا إيه 
أجابته لا عمر عنده شغل ولو خلص قبل ماأجازتنا تنتهي هيجي لو مخلصش هنرجع

إحنا.. وبصراحة حبيت أعملها لكم مفاجأة 
جذب الصغيرة يجلسها على ساقيه يداعب شعرها المبعثر بيديه بسعادة واشتياق مالت عليه تغريد بدلال متسائلة سامعة كده إن حالك متشقلب اليومين دول.. احكيلي بقي
رد عليها أكيد دي ماما اللي بتوصلك أخباري كل ساعة 
اعتدلت وردت عليه متصنعة الزعل ودي حاجة تزعلك.. خاېفة عليك ونفسها تفرح بك النهاردة قبل بكرة
رد بتنهيدة وأنا كمان نفسي أفرحها وأفرحكم ونفرح كلنا.. بس للأسف أنا تايه في صحراء ومش عارف أوصل 
تملكها القلق فصنعت بسمة لابنتها وقالت بليز ياتيمو اخرجي اقعدي مع جدو وتيته وانا هقعد مع خالو شوية وجايين 
نزلت