ذئاب الجبل ( عودة البدري)
المحتويات
والمديريه كلاتها والمحافظة كمان.....
ابو دبيكي.....
يعني كل ده ومش واعي ان ممكن يكون حد مراقبك من غير ما توعالو.....
العربي.....
عيب عليك يابو دبيكي......
محدش يعرف واصل بطلوعنا الجبل
اطمن يابو دبيكي.... اطمن.....
ابو دبيكي.....
اطمن كيف ياعربي واني خابر زين انهم قاطرينك ومعيفوتوش الفرصه دى واصل.....
قولتلك اطمن يابو دبيكي مفيش حد واصل وعالي..... لا انس ولا جن....
ابو دبيكي.....
عالعموم اني عامل حسابي ليوم زى ده.....
وان كانو قدرو علي ابو دبيكي الكبير زمان.....
معيقدروش علي ابو دبيكي الصغير
ولسه بيتكلمو يسمعو ضړب ڼار اشتغل بره المغاره....
يبص ابو دبيكي للعربي ويقول...
موش قولتلك....
وينادى ابو دبيكي علي الرجاله ويطلب منهم يجيبو الضابط عصام ويقولهم هنطلع من باب المغاره اللي ورا.......
ويبص للعربي ويقوله....
اني خابر انك مكوتش تعرف انهم قاطرينك يا عربي.....
والا مكوتش هسيبك تعيش دقيقه واحده.....
سلام ياعربي.....
ويجري ابو دبيكي لباب الهروب...
بدايه الحلقه 20...
اشتباك بين جزء من المطاريد مع القوة خارج المغاره ويسقط قتلي من الجانبين....
ابو دبيكي واللي معاه واخدين الضابط عصام وبيطلعو من باب تاني في المغاره بيطلع ورا الجبل...
تدخل القوة المغاره والعربي واللي معاه يرفعو اديهم وتقبض القوه عليهم ويسألو عن الضابط عصام ويشاورلهم العربي علي الطريق اللي هربو منه....
ابو دبيكي ورا الجبل من الناحية التانيه واخدين الضابط عصام وبيجرو بيه والضابط عصام بيحاول يعطلهم...
تظهر طيارة هيلوكوبتر بتمشط الجبل ويشوفو من فوق الضابط عصام واللي معاه....
يحاول ابو دبيكي يضرب ڼار علي الطيارة ويتصاب في كتفه ومع الضغط يسيبو الضابط عصام ويبص ابو دبيكي للضابط عصام وهو بيهرب ويقوله....
الدنيا زغيره متخافش....
ويضربو عليه ڼار ويصيبوه ويهربو....
تنزل الطياره مكانها وينشغلو باصاپة الضابط عصام وياخدوه ويطيرو علشان ينقذوة....
......................
المشهد... نقطة شرطة بهتون....
الضابط قائد القوة بيحقق مع العربي واللي معاه....
يابيه.... احنا ملناش صالح بيهم...
تلاته بالله العظيم مالينا صالح بيهم واصل....
الضابط...
ياسلام.... امال كنتو بتعملو ايه هناك....
كنتو بتتمشو مثلا لقيتو نفسكو في المغاره ولا ايه...
العربي...
ياااابيه.... احنا كنا رايحين علشان نجيبو عصام بيه.....
كنا رايحين ننقذو....
الضابط....يبتسم...
كنتو رايحين تنقذوه....
وشايلين معاكم سلاح....
العربي....
يابيه الجيل خطرررر ومليانه ديابه وضباع.... لازمن السلاح يابيه....
وان مكتش مصدق.....
اهو الصول نفادي موجود. أساله....
الضابط....
طيب.... وينادى للعسكري....
انت يابني.... اندهلي الصول نفادي.......
يطلع العسكري ولحظات يجي الصول نفادي....
تمام يابيه... اؤمر....
اؤمر يابيه....
الضابط...
انت تعرف الاتنين دول....
الصول نفادي....
اااايوه..... ايوة يا بيه
دا واد عمي العربي ود هريدي من كبارات هواره والي معاه ده....
يقاطعو الضابط....
يعني ده مش من المطاريد....
الصول نفادي....
لاااااه يابيه.... لاه.....
العربي ده زي ما قولتلك من كبارات هواره....
وده وشه وش مطاريد برضو يابيه.....
الضابط....
واحنا في الحمله علي المطاريد لقينا الاتنين دول في المغاره اللي كان فيها المطاريد ومعاهم سلاح...
العربي....
منا قولتلك يابيه.... كنا رايحين نجيبو عصام بيه وانتو طبيتو علينا بعد ما كنا خلاص هنجيبو....
الضابط....
وانتو مصلحتكم ايه بالموضوع ده...
العربي...
يابيه... كبيرنا... واحنا معاه ميرضيناش اللي حوصل ده....
والضابط عصام في بلدنا وواجب علينا نحموة....
ومش هو وبس....
واي حد يوقع في مشكله....
دى عوايدنا يابيه...
مشاكلنا بنحلوها بنفسينا.....
الضابط.... مقتنعا...
طيب... طيب.... استنو شويه بره دلوقت....
ويشاور للعسكري....
خدهم يا عسكري.....
ويقعد الضابط علي المكتب ويمسك التليفون....
المشهد... قنا... السنترال....
عزوز في الكابينه وماسك التليفون وبيتكلم مع المعلم حسني وبيحكيلو علي كل اللي حصل الايام اللي فاتت.....
عزوز....
ودلقيت يامعلم حسني العربي لسه في النقطه...
والضابط عصام في المستشفي بين الحياه والمۏت.....
المعلم حسني....
طيب طيب يا عزوز....
متعرفش حاجه عن دبور....
عزوز....
لاه يا معلم حسني...
كل اللي اعرفو انه في دار علوان كبير هواره....
المعلم حسني....
خلاص يا عزوز....
توشكر يا واد عمي....
روح انت دلقيت ولو في جديد قولي علطول... متتوخرش....
عزوز....
انت تؤمر يا معلم حسني....
المعلم حسني....
الأ مر لله يا عزوز...
مع السلامه... سلام ياواد عمي...
..............
البدري قاعد في البيت والتليفون يرن ويرفع السماعه....
الوووو... ابو دبيكي
كيفك ياراجل... محدش سامع حسك ليه....
اييييه عتقول ايه...
كل ده حوصل....
وعلوان... اخباره ايه....
طيب يابو دبيكي... طيب...
مع السلامه... سلامه يابو دبيكي...
..........
المشهد.... بهتون.... دار علوان...
علوان رجع للدار تاني وتقابله لبيبه وتبصلهمن فوق لتحت وهو يلاحظها ويقول....
اباي... مالك ياوليه انتي عتطلعيلي من فوق لتحت اكده... في ايه عاد...
لبيبه...
مفيش... مفيش ياعلوان.... وتبص بعيد...
علوان...
شوف الوليه تكلمني كيف...
طب عليا النعمه....
وتدخل نعمه...
خبر ايه يا علوان... في ايه....
علوان....
الوليه الشوم دى عتطلعلي وكني عامل عمله....
نعمه....
روحي ياخاله لبيبه روحي انتي دلقيت....
علوان....
فينه دبور يانعمه... عايز اطمن عليه...
نعمه... واه لساك فاكر دبور ياعلوان والله زين انك فاكره....
علوان...
اباي... جري اي يانعمه حتي انتي كماني....
نعمه... قوصرة عاد....
دبور جوة في المونضره....
ويدخل علوان ويفتح الباب ودبور قاعد علي الكرسي...
علوان يقرب من دبور...ويبص ليه...
اذيك يا واد عمي....
دبور يبص لعلوان وعنيه بتقول كلام كتير....لكن لا قادر ينطق ولا يتحرك....
علوان.... يقرب منه اكتر....
ويقول... اني خابر زين انت عتقول ايه من جواك يا دبور....
وخابر كمان لو كوت بصحتك كوت عتعمل فيا ايه....
لكن هنقول ايه عاد... ربنا رايد انك تبقي اكده....
وبعدين عاد انت السبب في اللي انت فيه ده....
البت مكنتش عتحبك ولا كانت رايداك....
كانت عتحبني اني....
واتجوزتها علي سنة الله ورسوله....
دبور
بيسمع الكلام وعنيه بتطق شرار وبتدمع في نفس الوقت....
نفسه ياخد حقه ويفش غله في علوان ولكن للاسف مينفعش بحالته دى....
علوان لسه
متابعة القراءة
