ذئاب الجبل ( عودة البدري)

ولا لاه .

علشان انا شايفها واحنا معاودين وشكلها متغير واصل 

حاتم .

ورده تمام الحمد لله

بس هي صعبان عليها اللي حصل 

وحتي هي كانت عاوزة تقعد معاك . 

البدري . 

خير . تقعد معايا ليه . 

محتاجه حاجه   

حاتم   

هي متكلمتشي معاك   

البدري . 

لاه . 

من ساعة ما عاودنا من قنا ومكلمتنيش واصل . 

حاتم . 

غريبه دى لسه قايلالي امبارح انها هتكلمك النهارده . 

البدري.

خير يا دكتور حاتم .

قلقتني  ورده مالها

حاتم .

متقلقش يا بدري بيه

هي والله تمام وبخير 

بس كانت عاوزة تحكي معاك في موضوع كده 

البدري متعجب .

موضوع موضوع ايه ده

حاتم .

لا بقي لازم انت بقي تعدى عليها بنفسك وهتعرف منها كل حاجه .

البدري .

باذن الله  .باذن الله يادكتور حاتم .

عندي مشوار صغير اكده .

وبعد المغربيه هطول عليها 

حاتم 

طيب استأذن انا يابدري بيه ويقوم ويقوم البدري معاه 

البدري .

اذنك معاك يا دكتور .

ويخرج حاتم من المكتب .

والبدري في سره .

ياتري عاوزاني في ايه يا ورده

مشهد 8 هواره  الليل

دبور قاعد في داره وحاطط براد شاي علي الحطب وبيمسك البراد ويصب الشاي وبيمسك الكوبايه ومع اول شفطه الباب يخبط 

دبور يبص ناحبة الباب ويقوم ويقول .

ميييين .

صوت ييجي من بره .

افتح يا دبور .انا ود عمك علوان .

دبور .

ووووة علوان .ويفتح الباب 

يدخل علوان ويبص علي دار علوان البسيط وكانه متعجب ازاي دبور قاعد في الدار ده وفرشته كلها حصر وعلي الارض .

دبور .

اقعد .اقعد يا علوان .اشرب الشاي .

علوان مش وقتو يا دبور .

يادوب كمان ساعه اكده والناس نايمه تطلع من دار وعالطريق القديمه عدل واوعي حد يوعالك .

دبور .

ووة الطريق القديمه  ليه عاد .

علوان .

اباي .انت مش عاوز تشوف مهجه ولا ايه عااااد .

دبور 

موهجه وايه اللي عيجيبها الطريق القديمه 

علوان .

انت خابر زين انها طفشت وخاېفه تعاود 

وانا فهمتها اني هرجع بيها هواره وهتبقي في حمايتي 

وشيعت العربيه تجيبها موطرح ما هي موجوده واتفقت مع السواق ينزلها عالطريق القديمه ويقولها علوان عيستناكي.

فهمت يا دبووور 

دبور .

يبص لعلوان وباين علي وشه القلق 

علوان .

واه .مالك با دبور 

عتخاف من الطريق القديمه ولا ايييه 

دبور .

مين ده اللي عيخاف يا علوان .

اني بعون الله اطلع الجبل والديابه تهابني 

تقولي اخاڤ من الطريق القديمه .

مش دبور اللي ېخاف يا علوان .

مش دبووور .

علوان 

طيب عاد .عروح اني عالبيت قبل نعمه ما تستعوقني .

كنها قلبها حاسس بجوازتي دى بس معتنطقشي 

متتاخرش علي مهجه يادبور ياواد عمي .الدنيا ليل ليطلعلها ديب اكده ولا اكده وتروح البت بلاش 

دبور .

طيب يا علوان .طيب

علوان .

هاه .فوتك بالعافيه يا دبور .

ويمشي علوان 

مشهد 9   اسراحة الضابط عصام .

تظهر استراحة الضابط عصام وسط الزراعى بالليل ويظهر مطاريد الجبل متلثمين ويدخلو علي الاستراحه وقاعدين علي البوابه 2 من الغفر بيشربو شاي .

يدخل من وىتهم اتنين متلتمين ويضربوهم علي دماغهم ويغمي عليهم 

وييجي وراهم تالت ومعاه سلاح ويفتحو البوابه ويدخلو .

ويبصو حواليهم .

ويشاورلهم ريسهم انهم يقفو بره يراقبو الطريق وبدخل هو يعد ما يكسر قفل الباب .ويدخل الاستراحه وماسك السلاح قدامه ويفتح الغرف غرفه غرفه .

بيدور عالظابط عصام .

ويفتح اخر اوضه .اوضة النوم .

والسرير فاضي ومفيش حد .

ويشيل التلفيحه من علي بوقه .

ابن ابو دبيكي .ويقول .

بااااه .راح وين اللي واكل ناسه ده عااااااد 

مشهد 10  .دبور .

دبور ماسك العصا وداخل علي الطريق القديمه زى السبع ويقف في المكان اللي قاله عليه علوان .

شويه وتظهر عربيه جايه من بعيد 

ويقف دبور ورا شجره 

وتوصل العربيه .

وينزل حد من العربيه .

واحده لابسه لبس حورمه ومغطيه وشها وتمشي العربيه علطول .

ويطلع دبور من ورا الشجره من وراها

دبور بنبرة حزن .

موهجه   

وتبص ناحيته واول ما تنزل الشال من علي وشها يفتح دبور عنيه من المفاجأه 

       .

تمت الحلقه

والي لقاء في الحلقه القادمه 

اعملو مشاركات كتير حياااااة ابوكم متكسلوش 

اعمل مشاركه للحلقه ولو المشاركات وصلت ل 100 مشاركه من 100 شخص هنزل الحلقه 12 بعد يومين يلا بقي وروني 

يارب تكون الحلقه عجبتكم 

مع تحياتي

الكاتب حماده فاروق هاشم 

بتمني تعملو اشتراك في القناه اليوتيوب بتاعتي بقي عشان انا سمعت كلامكم ونزلتها كتابه اهو

وفعلو زر الجرس

علشان يوصلك كل جديد

وشكرا لدعمكم 

متزعلوش مني

ذئاب_الجبل .عودة البدري

    .الحلقه_12     .

تأليفحمادة فاروق هاشم .

تذكير بنهاية الحلق السابقه

دبور ماسك العصا وداخل علي الطريق القديمه زى السبع ويقف في المكان اللي قاله عليه علوان .

شويه وتظهر عربيه جايه من بعيد 

ويقف دبور ورا شجره 

وتوصل العربيه .

وينزل حد من العربيه .

واحده لابسه لبس حورمه ومغطيه وشها وتمشي العربيه علطول .

ويطلع دبور من ورا الشجره من وراها .

دبور بنبرة حزن .

موهجه 

وتبص ناحيته واول ما تنزل الشال من علي وشها يفتح دبور عنيه من المفاجأه 

لملوم 

ويروح مطلع سکين من ورا ضهره ويغرز السکين في قلب دبور 

ويطلعها ويغرزها تلات مرات 

ودبور يمسك في رقبة لملوم 

وهو بيقع علي الارض ينزل علي ركبيه وبيبص في وش لملوم 

دبور .

عملتها يا علوان  .

عملتها يا واد عمي  .

مشهد 1  .علوان 

علوان قاعد في الدار رايح جاي مش علي بعضه وقلقان 

نعمه نازله من علي السلم وتشوفه