جبروت عائلة الرشيدي بقلم دعاء احمد

محمد شاب كويس
هدى. الله يبارك فيكي يا هانم والله انا وهو قعدنا وتكلمنا وهو مستعجل عايز يعمل كتب كتاب على طول حضرتك عارفه شاب متدين وعشان يبقى في اريحيه في الكلام بينهم لازم يبقى في حاجه رسمي
ثريا بابتسامه شماته لقاسم اللي واقف باين عليه الحزن . عندك حق يا هدى وكل مصاريف الخطوبه
والجواز عليا ملاك زي بنتي برده وكمان بكرا كتب كتاب قاسم علي ناهي اهو خلينا نفرح بيهم كلهم مره واحده
هدى. ربنا
يخليكي لينا يا هانم هما هيخرجوا سوا النهارده ويتفقوا ربنا يوفقهم ويسعدك يا ابني
قاسم. فين ملاك اصل عايز اباركلها
هدى. في اوضتها بتجهز عشان تروح الكليه

قاسم. تمام
وسابهم ومشي
ثريا لنفسها. اخيرا هنخلص منها انا كنت لسه بفكر في طريقه اخلص بيها من ملاك بس جيت لوحدها
في اوضه ملاك
اخدت كتابها وبتفتح الباب وخرجه لقيته في وشها
ملاك بجديه. نعم في حاجه يا قاسم بيه
قاسم زقها وډخلها ودخل وقفل الباب وراه
ملاك بقوه. في ايه
قاسم. انتي فعلا موافقه على الدكتور اللي اسمه محمد دا
ملاك بابتسامه جانبيه. ايوه محمد شاب محترم وابن ناس ومن مستوى وغير كدا بيحبني ورايدني في الحلال واللي يقول للحلال لا يبقى ابن حرام وانا لا كنت ولا هكون بنت حرام
قاسم پحده. وانا
ملاك بابتسامه تخبي وراها الكثير. حضرتك بكرا كتب كتابك وانا بنفسي هزينلك اوضتك يوم فرحك واجهزهلك انت عارف اني شاطره في التزين
قاسم. فعلا انتي شاطره واثقه من اختيارك
ملاك بابتسامه جميله. واثقه ان اللي يقدرني و يحترمني هو دا اللي لازم اشيله على دماغي من فوق ربنا يوفقك مع انسه ناهي
قاسم بتأمل للمعه الدموع اللي في عنيها. مش هتندمي
ملاك. ربما الله اعلم بس على الاقل ابقى اشتريت نفسي
قاسم اتعصب من برودها وطلع من الاوضه بسرعه ورزع الباب وراه وهي وقعت على الأرض وفضلت ټعيط باڼهيار
ملاك بدموع. اااههه بحبك اوي وجعني اوي
هدى. كان لازم تعملي كدا انتي دلوقتي بنتي اللي انا اعرفها
ملاك مسحت دموعها وقامت. انا قالتله كل الكلام اللي انتي قولتيه لي
هدى. صدقيني دا لمصلحتك ومصلحته قاسم مش بيحبك يا ملاك. اللي بيحب مش بيعذب حبيبه
ملاك. عندك حق يا ماما انا لازم اروح الكليه دلوقتي بعد اذنك
هدى. خالي بالك على نفسك محمد هيعدي عليكي وياخدك تتغدوا سوا وتكلموا وتتفقوا
ملاك. إن شاء الله في حفظ الله
.. ...
في اوضه عاصي
اقترب عاصي بهدوء من رحمه المستغرقه في النوم بعمق وهو يتأمل ها بحب ويديه تمر بحنان في خصلات شعرها البني الطويل
وهو يتأمل ملامحها الانثويه الفتنه بعشق شديد فتنهد پألم وهو يرى بقايا إثر الدموع على خدها يمسح تلك الدمعات عن وجهها ليتفاجا بها تفتح عينيها وتبتسم له بفتنه 
. عاصي
فلم يعد يستطيع السيطره على مشاعره الملهوفه بشده فاقترب منها وهو يهمس قلب عاصي يا رحمه
ليمر بعض الوقت بينهم ابتعد عنها وهو لا يعرف كم مر عليهم وقت فعلي وهي معه
فمرر يديه بحنان يعيد ترتيب شعرها خلف اذنها في حين انها ابتسمت واغمضت عينها لتعود للنوم مره اخره
نهض عاصي من جانبها وهو يمرر يديه في شعره بتوتر خوف من رده فعلها ف علي ما يبدو أنها لا تعي لم حدث بينهم الان
وبالفعل هي لم تتذكر شي ولم تتخيل حتى بمخيلاتها ان يحدث ذلك ليتنهد عاصي بارتياح بالرغم من رغبته الشديده في العوده اليها واحتضانها بشده
......... ... 
في اوضه دياب
دياب صحي من النوم لقى حور لسه نايمه في حضنه ابتسم وفضل يبص لها بحزن
دياب. عارفه انا موجوع اوي من اكتر واحده حبيتها امي. تخيلي تشوفي امك مع واحد تاني غير ابوكي اااههه عارفه انا عمري ما قررت اعيش شعور الحب لاني خاېف اتوجع وساعتها فعلا هدمر الكل خاېف اتوجع منك انتي كمان بس لأول مره احس بالأمان في حضڼ حد لما حضنتيني حسيت اني مبسوط ومش خاېف من قربك
حور بدأت تصحى وهو بسرعه غمض عنيه وعمل نفسه نايم
حور بصتله وبعدين بعدت عنه بخجل من الطريقه اللي حضنه بيها
حور بدموع نزلت تلقائيا. انا عمري ما هسامحك علي الكسره اللي انا انكسرتها
وقامت من جانبه ودخلت اخدت شاور وغيرت وطلعت
وهو كمان عمل المثل ونزلوا
.... ..
على السفره
ثريا هانم. بكرا في حفله جواز ناهي و قاسم هتعلن جوازك انت ورحمه يا عاصي
دياب نزل ووراه حور اللي جايه جدا
دياب مسك ايديها وشبك صوابعه في ايديها وهي بصتله بارتباك
ثريا هانم بصتله پغضب. دياب مين دي
دياب ببرود. اقعدي يا حببتي
حور بلعت ريقها بتوتر وقعدت
دياب. دي مراتي حور محمد الشرقاوي
ثريا بعصبيه. انت اتجوزت من ورانا
دياب ببرود وقعد جنب حور. افتحي الشفايف الحلوين دول
حور. ها
دياب ابتسم و بدا يأكلها وسط نظرات الاستغراب من الكل
ثريا پغضب. ولد انا مش بكلمك
دياب ببرود قاټل. اه اتجوزت يا مدام ثريا فيها ايه يعني ما انا مسيري اتجوز
ثريا قامت وخبطت بيديها على السفره. ويوم متتجوز تتجوز دي. دي تتصرمح معها. تقضيلك ليله اتنين اسبوع لكن تتحوزها لا يا دياب
دياب قام وبصلها پحده تحمل العڈاب. ليه حضرتك فاكره ان كل الناس زيك
ثريا بارتباك. اصدك ايه
دياب ضحك بسخريه بس دموعه نزلت ومسحها بسرعه. ممكن لو سمحتي يا ثريا متدخليش في حياتنا. او لو عاصي وقاسم راضين بالوضع دا انا مش موافق انا تعبت ولحد هنا وكفايه متتدخليش في حياتي لان اوعدك لو حاولتي هعمل حاجه تدمر باقي العلاقه المزيفه اللي احنا عايشين فيها وصور الام وابنها دي هتتدمر كليا حور تبقى مراتي وهتفضل على ذمتي وبكرا في كتب كتاب قاسم هعلن جوازي منها بس ممكن دا ميحصلش في حاله واحده
ثريا بارتباك. ايه هي
دياب بكسره. انك تقتليني واظن ان دا مش صعب عليكي ومسك
ايد حور وخرج من غير ما يسمع ردها
رحمه لنفسها. ياترى يا ثريا هتقدري تداوي كل الچروح اللي انتي سيبها في قلوب ولادك
قاسم لنفسه. ياريتني قادر اعمل زيك يا دياب لكني عارف ومتاكد انها هتاذي ملاك
عاصي لنفسه. يا خساره يا ثريا هانم انتي خسرتينا كلنا. وبص للرحمه وسكت
ثريا لنفسها. اغبياء انا بعمل كل دا عشان احافظ على قواعد عيله الرشيدي. حب ايه اللي بتتكلموا عنه الحب اللي خلي عثمان يسبني ويعشق خدامه متسواش. الحب اللي خلني اعمل علاقه مع فاروق وانا لسه على ذمه عثمان ولما اكتشف دا وكان عايز يفضحني يعني كنت اسيبه عايش عشان ېقتلني انا عملت الصح لما قټلته هو ومراته الخدامه واللي هعمله لسه مخلصش
ما خفيا من المفاجأت يا أصدقائي اسوء فالحياه الحقيقيه تحمل بين طياتها القسۏه والعڈاب ولكن أيضا تحمل الحب والحياه قدر 
.... ...
في كليه الاداب
ملاك خلصت محاضرتها وكانت خارجه
لقيت شاب طويل عريض وسيم جدا وشه بشوش دكتور محمد
محمد. ازايك يا انسه ملاك
ملاك بابتسامه رقيقه. ازايك يا دكتور محمد انا الحمد لله كويسه
محمد. الحمد لله ايه رايك نتغدا سوا
ملاك. مفيش مشكله اتفضل
ركبوا عربيه وسط نظرات عز زميلها
عز لنفسه. بقى انا كنت بحب دي. شكلها مدوراها مع كل واحد شويه ام علمتك الأدب يا ملاك مبقاش عز الدمنهوري
في احد المطاعم
محمد فضل يتكلم وملاك تسمعه لكن عقلها في مكان تاني خالص
ملاك لنفسها. هيتجوز بكرا معقول بالسرعه دي.
محمد. ملاك انتي معايا
ملاك. اه اه معليش سرحت في حاجه كدا
محمد. ولا يهمك كنت بقولك ايه رايك نعمل كتب كتاب على
طول
ملاك بارتباك. بص يا دكتور محمد انا هتكلم مع ماما في الموضوع دا وان شاء الله اللي فيه الخير يقدمه ربنا
محمد بابتسامه جميله.
إن شاء الله خير
..... .....
في قصر الرشيدي
ملاك خبطت على اوضه قاسم بتوتر وارتباك
قاسم. ادخل
ملاك وهي بتحط بدله على السرير. بدله حضرتك وصلت يا قاسم بيه. الف مبروك
قاسم پحده وهو بيطفي السېجاره في ايديه ويضغط عليها. اطلعي برا
ملاك ببرود. حضرتك انا خطيبي هيكون موجود في حفله كتب كتابك ثريا هانم دعيته وانا قالت لازم ابلغك
قاسم ببرود مماثل قام وبقي يمشي ناحيتها وهي بترجع لورا بړعب
الي ان اصبحت حبيسه بين ذراعيه والحائط شدها من وسطها وهي اټفزعت
قاسم بهمس. بلاش تتحديني يا ملاك بدل صدقيني هتندمي
ملاك بذهول. ايه
قاسم قرب منها وهو بيعدل خصلات شعرها ويحطها وراء ودانها 
ملاك بسرعه زقته پخوف. انت ساڤل وحيوان
ابتعدت عنه حتى وصلت لباب الغرفه لتجد نفسها محاصره بين باب غرفته وجسد قاسم الذي احكم يديه حول رسغيها ورفعها فوق راسها مقيد اياها
قاسم پغضب. اتهدي بقى خليني اعرف اتكلم
ابتلعت ريقها بصعوبه توتر ودقات قلبها تعلو بشده وهي تنظر لعينيه البنيه الواسعه التي تميل للاسود عند غضبه وكم هو وسيم
ملاك بتوتر وارتباك. ابعد عني لو سمحت يا قاسم بيه ارجوك بدل قسما بالله اصوت والم عليك الناس
في حين
ملاك وهي بتحاول تفك ايديها. انت بتبصلي كدا ليه يا قاسم بيه
..ملاك پخوف وعلى وشك البكاء. انت لا يمكن تكون طبيعي
قاسم ببرود. ايه دا يا لوكه مش انتي قالتي ان انا ساڤل انا بقى هثبتلك دا
ملاك. خالص انا اسفه والله العظيم اسفه
قاسم. خساره.. بس انا برده محتاج اتأكد بنفسي
بتحبيني يا ملاك
ملاك غمضت عنيها ومشاعرها متلغبطه
قاسم بهدوء. ارجوكي ردي يمكن تكون دي اخر فرصه لينا بكرا هكتب كتابي لو بتحبيني قولي وانا مستعد اټجنن واسيب الفرح وكل حاجه بس تكوني معايا. لكن لو سكتي يبقى بتحكمي علينا احنا الاتنين بالمۏت لاني مش هقدر اشوفك في حضڼ حد غيري وصدقيني هقتله وانا متأكد انك مش هتستحملي ان حضڼي يكون لناهي او غيرها
ملاك بدموع . انا مش بحبك بالعكس انا بكرهك اوي يكره تصرفاتك اللي بتوجعلي قلبي وتحسسني اني رخيصه بكره قربك مني بالطريقه دي وكأني واحد من جواريك نفسي اعيش واحس اني حره لكن انت من يوم ما انا دخلت القصر دا وانت معيشني وكأني جاريتك وانا مقبلش بدا عشان كدا الف مبروك يا قاسم بيه
ملاك افتكرت والدتها ودموعها نزلت وحسه بحيره بين قلبها وعقلها
. ياريت تنساني لاني قريب هخرج من القصر واتجوز انسان يحترمني ويحبني وزي ما هو بيحترمني انا كمان بحترمه
زقت قاسم بكل قوتها وخرجت من الاوضه
قاسم فضل يكسر في كل حاجه حواليه پغضب
قاسم . انتي اللي اخترتي يا ملاك انتي اللي حكمتي علينا بالنهايه دي
..... ....
في افخم اتيليه في اسكندريه
دياب وقف عربيته ونزل وببرود. انزلي
لم ترد وظلت بداخل سيارته ليتنهد پغضب وهو يفتح باب السياره ويخرجها مسك يديها وإذ به يدخل الي الاتيليه
وما ان دخلوا حتى استقبلتهم سيده انيقه في الأربعينات ومعها فتاتان يبدوان مساعدتها لايقلن عنها اناقه وجمال
جعلت حور تتملل في وقفتها بقلق
السيده. اهلا بيك يا دياب بيه شرف لينا