رواية مظلومة كاملة

يتربع على عرش قلبها منفردا وبدون منازع
ولكنها لا تستطيع ان تسامحه على تخليه عنها واهانته لها بل وطردها عندما لجأت اليه فى اكثر وقت كانت تحتاج فيه اليه
كما انه سلمها لعمر  ليفعل بها مافعل
انسابت دموعها رغما عنها ولم تنظر اليه بل ظلت تنظر امامها بحزن والدموع مازالت مستمرة
كاد قلبه ينفطر عليها وود لو استطاع ان يفعل اى شئ ليرسم البسمة على وجهها

نظر اليها بعينين دامعتين وقال بتوسلارجوكى يا نيرمين 
ارجوكى ادينى فرصة تانية
انا عارف انك اتعذبتى بسببى واتألمتى كتير
مش طالب منك غير فرصة واحدة بس
اثبتلك فيها انى عمر ى ما هتخلى عنك تانى ابدا وهفضل جنبك على طول 
هعوضك عن كل ذرة الم شوفتيها وهخليكى اسعد واحدة فى الدنيا
نيرمين  انا هتجوزك ومش هسيبك مهما حصل
هنا التفتت اليه ونظرت له بعيونها الدامعة 
لقد اشتاقت الى النظر اليه بالرغم من رغبتها فى الاڼتقام منه على مافعله بها
دقق سيف  النظر فى عينيها الحزينتين وقالوحشتينى اوى يا نيرمين 
وحشتنى كل حاجة فيكى عنيكى ملامحك صوتك كلك على بعضك وحشتينى 
انا كنت بمۏت من غيرك
اشاحت ببصرها عنه وهى ترفض الانصياع لنظراته وتوسلاته
شعر سيف  بعدم رغبتها فى الحديث معه
سكت لحظات ثم نظر اليها قائلابرده مش عايزة تردى عليا
تنهدت نيرمين  بضيق واخفضت بصرها وهى تحبس دموعها
ثم قالت بصوت مخڼوق ومنخفضشيلنى من حياتك خالص وانسانى
انا معونتش انفعك
سيف  بعينين دامعتيننيرمين 
متحاوليش 
انتى بتحبينى انا متأكد من كده
ومهما تحاولى تثبتيلى غير كده مش هصدقك
وقع بصرنيرمين  الى الدبلة التى فى يدها فادركت انها مازالت فى يدها فخلعتها 
ثم نظرت اليه وهى تمد يدها لتعطيها اياه
نظر سيف  الى الدبلة وهو غير مصدق
فقالايه ده
نيرمين زى ما انت شايف
دى الدبلة اللى كانت فى يوم من الايام بتربطنى بيك بالرغم من كل اللى حصل بس مرضيتش اقلعها وفضلت لبساها
ولما كنت تحت رحمة عمر  مكنش بيخلينى البسها ففضلت عيناها معايا ولسة لبساها دلوقت قبل ماتيجى
علشان بتفكرنى باجمل لحظات مرت من حياتى
لكن انا شايفة ان معدش ليها لازمة وكان المفروض اقلعها من زمان
سيف  بحزن شديدهى الدبلة بس هى اللى كانت بتربطك بيها
انتى ليه مش عايزة تسامحينى
انا مش هسيبك
فاهمة
مش هسيبك
ظلت نيرمين  رافعة يدها وقالت وعينيها تدمعانخلاص يا سيف 
فات الاوان 
مالوش لازمة الكلام ده كله
امسك سيف  بيدها وطوى اصابعها لتحوى دبلته قائلا
لا يا نيرمين 
مفتش الاوان ولا حاجة والدبلة دى انتى هتلبسيها والمأذون انا هجيبه النهاردة مش هستنى لما تخرجى من هنا
انا ماصدقت لقيتك ولا يمكن اسمح لاى حد ياخدك منى تانى مهما حصل
اخفضت نيرمين  يدها وترقرقت عيناها بالدموع وهى تضع الدبلة امامه على الطاولة الصغيرة التى بجانب السرير
ثم قالتكل اللى عايزاه منك انك تبعد عنى
مش عايزة منك اى حاجة غير كده
لو عايزنى فعلا اسامحك على اللى عملته فيا
يبقى تنسانى خالص وتسيبنى فى حالى
وروح شوفلك واحدة من مقامك تقدر تسعدك وتعيش معاها
فى هدوء ومن غير مشاكل
او ارجع لسلمى  اللى انت اخترتها بعد ما اتخليت عنى
تألم سيف  كثيرا لكلامها فقالبس انا مبحبش غيرك
وعمر ى ماحبيت ولا هحب حد غيرك انتى
انتى ليه مصممة تعذبينى
بعدك عنى معناه موتى
عارفة يعنى ايه موتى
نيرمين  باڼهيارولو اتجوزتك برده ده معناه موتى 
سيف  پألمياااااااااااااااااه
للدرجة دى
للدرجة دى بقيتى بتكرهينى
سكتت نيرمين  وهى لا تدرى كيف تخبره بما حدث معها من عمر 
كيف تخبره هى تحت تأثير المنوم
سيف  ساكتة ليه
متتكلمى
بتحبينى ولا لأ
اڼهارت نيرمين  فى البكاء وهى تقولبحبك
انت عارف علشان حبى ليك كان التمن ايه
مش عارفة اقولك ايه
بجد مش عارفة
سيف قولى انك سامحتينى
وتعالى نفتح صفحة جديدة وصدقينى مش هتندمى
انا اتغيرت اوى يا نيرمين 
ومعونتش زى الاول واللى حصل ده غير فيا كتير
سكتت نيرمين  ولم ترد عليه وظلت تبكى 
سيف علشان خاطرى كفاية بقى
دموعك دى بتعذبنى
انسى اللى فات وتعالى نبدأ حياتنا من جديد
هنتجوز ونسافر لاى بلد تختاريها ونعيش حياتنا بعيد عن اى مشاكل ايه رايك
نيرمين  بصوت باكىقولتلك معدش ينفع
انت ليه مش عايز تفهم
سيف طب فهمينى انتى
نيرمين  پبكاءانا انكسرت
وانكسرت جواية كل حاجة حلوة
انتو قتلتونى
انت سلمتنى لابن عمك وهو باع واشترى فيا وعمل معايا اللى ميتعملش علشان هو عارف انى وحيدة وماليش حد يقف جنبى فى الدنيا دى
يمكن لو ليا اخ ولا عم ولا اى حد مكنش عمر  قدر يعمل فيا كده
انا فضلت عنده فى بيته وانا وهو لوحدنا تحت سقف واحد
عارف يعنى ايه تحت سقف واحد
فضلت اترجاه انه ميقربليش وحاولت اقنعه انه يشيلنى من دماغه وانى بحبك انت ومقدرش اتجوز غيرك بالرغم من انك رمتنى ليه واتخليت عنى
لكن انا فضلت مخلصة ليك لحد آخر لحظة
حاولت اهرب من عنده اكتر من مرة وكل مرة كنت بفشل
والمرة الوحيدة اللى نجحت فيها وهربت
لجأتلك وانا جوايا امل انك هتصدقنى وتعرف انى مخونتكش
لكن النتيجة كانت ايه
النتيجة انك اهنتنى وعاملتنى زى اى واحدة رخيصة بتبيع نفسها للى يدفع
طردتنى من عندك بالليل وانت عارف انى وحيدة وماليش حد
هنت عليك تسيبنى امشى فى نص الليل لوحدى
وبمجرد ما خرجت من عندك ومشيت بعيد عن القصر شوية لقيته 
فى وشى نزل من العربية وجه ورايا وركبنى معاه بالعافية وفضلت اصړخ يمكن حد يسمعنى لحد ما صوتى راح
سكتت نيرمين  قليلا وظلت تبكى بحړقة ثم قالت
تعرف بعدها خدنى على فين
خدنى على الشاليه بتاعه ومش اى شاليه ده شاليه فى مكان مقطوع ومفيهوش اى حد
وفضل يضرب فيا علشان هربت
وياريت لحد كده وبس
ده سقانى عصير ڠصب عنى من غير ما اعرف انه حاططلى فى منوم
هترضى تتجوز واحدة انت عارف ان فى واحد غيرك
والواحد ده مش اى حد ده يبقى ابن عمك
يعنى من دمك 
هتقبل على نفسك كده
معتقدش
وقعت تلك الكلمات على قلبه كالصاعقة
وظل ينظر اليها بصمت دون ان يحرك ساكنا
نظرت نيرمين  اليه وهى تمد يدها لتأخذ الدبلة من الطاولة التى بجانبها
وامسكت بيد سيف  وفتحت كفه وهو يراقب ذلك پصدمة
وضعت الدبلة فى كفه ثم اغلقتها وهى تقول بصوت باكى
اديها لواحدة تانية غيرى
انا معونتش انفعك ولا انفع غيرك
وقف سيف  وهو ينظر اليها ومازالت آثار الصدمة بادية على ملامحه
ابعدت نيرمين  بصرها عنه وعينيها مازالت تدمعان بحړقة
اما سيف  فانهالت الدموع من عينه وهو ينظر اليها وهو لا يصدق ان حبيبته التى لم يحب فى حياته مثلها قد تعرضت للاڠتصاب ومن من
من ابن عمه من اقرب الناس اليه
احس ان قلبه سيتوقف من شدة الحزن
فتح يده وهو ينظر الى الدبلة بالم ثم قبض عليها بشدة وضغط على اسنانه بغيظ عندما طرأ على ذهنه صورة عمر 
فاسرع ناحية الباب وخرج من الغرفة ثم اغلق الباب خلفه پعنف
لمحته دادة فاطمة وهو يخرج من غرفة نيرمين  مسرعا بغير الوجه الذى دخل به فوجددت على ملامحه ڠضب لم ترى مثله من قبل
فنادت عليه قائلةمالك يا سيف 
ايه اللى حصل
استنى بس فهمنى
ولكنه لم يلتفت اليها وتركها وغادر
ضړبت دادة كف على كف بحزن قائلةيا ترى فى ايه
فتحت الباب ودخلت على نيرمين  فوجدتها تبكى بشدة فاسرعت اليها واخذتها فى حضنها قائلةبس يا حبيبتى 
اهدى وفهمينى ايه اللى حصل
مسحت على ظهرها وهى تاخذها بين احضانها قائلة
اعوذ بالله من الشيطان الرجيم
اعوذ بالله من الشيطان الرجيم
قاد سيف  سيارته باقصى سرعة وهو يبكى بمرارة كما لم يبكى من قبل وانهالت دموعه بغزارة وكان يقود باعلى سرعة متوجها الى قصره
وصل الى القصر فنزل من سيارته وتوجه الى مكتبه ففتحه پعنف وتوجه الى خزانته ففتحها واخرج منها سلاحھ المرخص ونظر اليه 
بامعان والڠضب يقتر من عينيه
تفقد الطلقات المحشوة بداخله وجعله جاهزا للاستخدام ثم اخفاه بين ملابسه وخرج ليستقل سيارته مرة اخرى
واختفى بعدها عن الانظار واغلق هاتفه ولم يعد احد يعرف له طريقا
مر اليوم الاول والثانى وسيف  مازال مختفيا ودادة فاطمة حاولت الاتصال به كثيرا ولكنها وجدت هاتفه مغلق فتسلل القلق الى قلبها وتألمت لاختفائه ولكن ماعساها ان تفعل فقد فشلت فى معرفة سبب خروجه غاضبا من عند نيرمين  
بالرغم من الحاحها على نيرمين  لمعرفة السبب
حتى العاملون بالشركة كلما اتصلو به لاعتماد بعض الاوراق وابرام بعض الاتفاقات الخاصة بالعمل وجدوا هاتفه مغلقا حتى انهم يئسوا من وجوده اصلا وكأن شيئا ما قد حدث له
ذهبت ندى  الى نيرمين  فى المستشفى لتحاول ان تقنعها بالتنازل عن القضية التى تورط بها عمر  
فدخلت اليها وطلبت من دادة فاطمة ان تتكلم مع نيرمين  على انفراد
نظرت دادة اليها ثم نظرت الى نيرمين  لحظات كأنها تطلب من نيرمين  التمسك بحقها والا تتنازل عن شئ
خرجت دادة فاطمة واغلقت الباب خلفها
نظرت ندى  الى نيرمين  ثم قالتاحب اعرفك بنفسى
انا ندى  اخت عمر 
تغيرت نظرات نيرمين  لها وارتسم الضيق على وجهها عندما سمعت اسم عمر 
فابعدت بصرها عنها
ندى طبعا انا عارفة انك اضايقتى لما عرفتى انى ابقى اخت عمر 
وبصراحة انتى عندك حق
انا عرفت اللى عمله عمر  معاكى وعارفة انه يستاهل السچن
بس والله عمر  بيحبك ومكنش يقصد يئذيكى
صدقينى هو طيب اوى
انا معرفش لحد دلوقت هو عمل معاكى كده ازاى
نيرمين  وهى تكتم ڠضبهامن الاآخر كده حضرتك عايزة ايه
ندى كل اللى عايزاه منك انك مضيعيش مستقبله
ارجوكى متخليهمش يسجنوه
ده اخويا الوحيد وانا ماليش غيره فى الدنيا بعد ۏفاة والدى ووالدتى
ارجوكى ابوس ايدك
امسكت بيد نيرمين  لتقبلها وهى تقولابوس ايدك متقوليش للبوليس اى حاجة
سحبت نيرمين  يدها كى لا تقبلها وهى تنظر اليها بحزن قائلة
لو انتى مكانى وحد عمل فيكى كده
مكونتيش هتبلغى عنه
سكتت ندى  ولم ترد وعيناها تلمعان من اثر الدموع
نيرمين شوفتى سكتى ازاى
لو الموضوع كان مجرد ضړب وخلاص مكونتش هفكر ابلغ عنه ولا أأذيه كنت هسيبه لربنا وخلاص
لكن اللى عمله معايا اكبر من كده بكتير
ندى  بحزنيعنى لما البوليس ييجى يحقق معاكى هتقوليله كل حاجة
نيرمين  طبعا
ندى  وتضيعى مستقبله
ده لسة شاب وملحقش يتهنى بحياته
ليه تضيعى مستقبله
نيرمين  ومسألتيهوش ليه يعتدى على واحدة مالهاش اى حد فى الدنيا غير ربنا ويعمل فيها كده
لو دى اخته يرضى حد يعمل فيها اللى عمله فيا
نظرت اليها ندى  پصدمة قائلةهو عمر  قرب عليكى
ابتلعت نيرمين  ريقها بمرارة وترقرقت عيناها بالدموع وهى تقول
ايوة
ندى  بصوت منخفض ووجه مصډوم معقول ! ! !
انا مش مصدقة
انا كنت فاكراه حبسك عنده ومد ايده عليكى وبس
نيرمين طب وبعد ما عرفتى
ندى انا مش عارفة اقولك ايه
بس الموضوع كده مش هيئذى عمر  وبس
ده هيئذيكى انتى كمان
حاجة زى كده لو البوليس خد خبر بيها يبقى لازم يعرضك على الطب الشرعى علشان يتأكد من صحة كلامك
ده غير ان الجرايد لو خدت خبر الموضوع هيتنشر و سيرتك هتبقى على كل لسان
نيرمين  وهى تبكىحرام عليكى هو انا نقصاكى انتى كمان
انتى جاية تحملينى فوق طاقتى ليه
مش كفاية اللى اخوكى عمله فيا
ندى والله ما اقصد اجرحك ولا ازعلك
بس لو حلينا الموضوع ودى هيكون افضل ليه وليكى
عمر  بيحبك ونفسه يتجوزك
وانتى مينفعش تتجوزى غيره بعد اللى حصل
يبقى مافيش غير حل واحد
هو انك تتجوزيه